Davomi: Oktabr oxirida “Toshkent—O‘sh—Qoshg‘ar” yo‘nalishi bo‘yicha avtomobil qatnovi sinovdan o‘tkaziladi
Shavkat Mirziyoyev muloqot avvalida Almazbek Atamboyev hamda qardosh qirg‘iz xalqini 15-oktabr kuni prezidentlik saylovining muvaffaqiyatli o‘tkazilgani bilan samimiy muborakbod etdi.
Umumxalq saylovi natijalari Qirg‘izistonda amalga oshirilayotgan islohotlar va ro‘y berayotgan o‘zgarishlarga mamlakat aholisi yuksak ishonch bildirishi va uni har tomonlama qo‘llab-quvvatlashidan dalolat ekani alohida qayd etildi.
Qirg‘iziston prezidenti Almazbek Atamboyev O‘zbekiston Prezidentiga prezidentlik saylovi munosabati bilan samimiy tabrik uchun chuqur minnatdorlik bildirdi.
Qirg‘iziston ikki mamlakat o‘rtasida keng ko‘lamli va o‘zaro manfaatli hamkorlikni bundan buyon ham rivojlantirishga, do‘stlik va strategik sheriklik aloqalarini mustahkamlashga tayyor ekanini ta’kidladi.
Ma’lumot uchun, Qirg‘izistonda 15-oktabr kuni bo‘lib o‘tgan prezident saylovida nomzodi Sotsial-demokratik partiyadan ilgari surilgan So‘ronboy Jeenbekov g‘olib chiqdi. U saylovchilarning qariyb 55 foiz ovozini, uning eng asosiy raqibi — mustaqil nomzod O‘murbek Bobonov esa salkam 38 foiz ovoz to‘pladi.
Izoh (0)