Ўзбекистон Президенти Шавкат Мирзиёев 19 октябрь куни Қирғизистон ташаббусига кўра Қирғизистон президенти Алмазбек Атамбоев билан телефон орқали мулоқот қилди. Бу ҳақда ЎзА хабар бермоқда.
Суҳбат давомида Шавкат Мирзиёев Алмазбек Атамбоевни 15 октябрь куни Қирғизистон президенти сайлови муваффақиятли ўтгани билан табриклади.
Мавзуга доир: Шавкат Мирзиёев Алмазбек Атамбоевни Қирғизистон президенти сайлови муваффақиятли ўтгани билан табриклади
Ўзбекистон—Қирғизистон давлат чегараларининг қолган участкаларига оид тегишли шартномани ҳуқуқий жиҳатдан расмийлаштириш ва имзолаш жараёнини тезроқ якунлаш, шунингдек, чегара ўтказиш пунктларининг самарали фаолиятини таъминлашдан икки томон ҳам манфаатдор экани таъкидланди.
Транспорт-коммуникация тизимидаги ўзаро алоқалар, хусусан, шу ойнинг охирига режалаштирилган «Тошкент—Андижон—Ўш—Иркештом—Қошғар» йўналиши бўйича ҳамкорликда автомобиль қатновини синовдан ўтказиш муҳим аҳамиятга эга экани қайд этилди.
Изоҳ (0)