Ukraina parlamentida Donbass haqidagi qonunlar muhokamasi mushtlashuvga aylandi (video)

Ukraina Oliy radasida millatchi “Svoboda” partiyasidan saylangan deputat Yuriy Levchenko tomonidan uyushtirilgan mushtlashuv videosi tarmoqlarda tarqaldi. Bu haqda “RIA Novosti” xabar bermoqda.

Rolikda deputat prezidiumga tirmashayotgani, biroq uni ortiga qaytarishayotgani aks etgan. Shunda Levchenko spiker Andrey Parubiy tomon butilka va boshqa buyumlar otishga kirishdi.

Deputat shu tariqa Donbass haqidagi qonunlar bo‘yicha ovoz berishni barbod qilishga uringani bildirilmoqda. Uning o‘zi tutunli shashka ham uloqtirganini tan oldi.

“To‘g‘ri qildim deb hisoblayman. Konstitutsiyaga zid ishlarga qo‘l urmasligi uchun bu parlamentga o‘t qo‘yishga tayyor edim”, — dedi Levchenko.