Jahon banki: Har yili dunyoda 100 mln kishi tibbiy xizmatlar narxi balandligi sababli qashshoqlar safini to‘ldirmoqda

Dunyo bo‘ylab 400 millionga yaqin kishi asosiy tibbiy xizmatlardan foydalanish huquqidan mahrum. Bu haqda Jahon banki direktori Jim Yon Kim jurnalistlar bilan suhbat chog‘ida ma’lum qildi, deya xabar beradi “TASS”.

“400 million kishi asosiy tibbiy xizmatlardan foydalanish imkoniyatiga ega emas, 100 million kishi esa sog‘liqni saqlash xizmatlari qiymati yuqoriligi sababli har yili qashshoqlar safini to‘ldirmoqda. Sayyoramizning kambag‘al aholisining uchdan birigina ijtimoiy yordam olmoqda. Agar hech qanday harakat qilmasak, 2030-yilga kelib 167 million bola qashshoqlikda yashaydi”, — dedi Jahon banki banki rahbari.

Jim Yon Kimga ko‘ra, bugungi kunda 155 million bola rivojlanishdan ortda qolgan va risoladagidek o‘qish hamda ishlash imkoniyatidan mahrum.