JCh—2018 yo‘llanmasi uchun kurash olib borayotgan Janubiy Amerika mamlakatlari saralashning 17-tur uchrashuvlarini yakunladi.
Argentina terma jamoasi 5-o‘rindan yuqoriga ko‘tarilib olish uchun o‘z maydonida Peruni taslim qilishi kerak edi. Xavyer Maskerano, Nikolas Otamendi, Anhel Di Mariya, Lionel Messi kabi futbolchilar 90 daqiqa davomida raqib postiga yo‘l topa olmadi. Rossiya—2018 chiptasini qo‘lga kiritish uchun kamida 4-o‘rinni egallash talab etiladi.
Braziliya terma jamoasi mundial missiyasini birinchi bo‘lib hal qilib ulgurgandi. Tite boshqaruvidagi jamoa bu safar dengiz sathidan 2 ming metr balandlikda joylashgan Boliviyadan golsiz durang bilan qaytdi. Uchrashuvda Fernandinyo, Villian, Aleks Sandro, Tiago Silva, Miranda, Daniel Alves, Kazemiro, Paulinyo, Felippe Koutinyo, Gabriel Jesus, Neymar kabi yulduzlar harakat qildi.
Kolumbiya terma jamoasi mazkur turda zafar quchib, Rossiyaga borishi aniq bo‘lgan mamlakatlar qatoriga kirishi mumkin edi. Radamel Falkao o‘yin yakuniga 10 daqiqa qolganida gol urib, jamoasini shunga yaqin olib keldi. Biroq paragvaylik futbolchilar so‘nggi ikki daqiqada o‘zini ko‘rsatishga muvaffaq bo‘ldi.
Edinson Kavani, Luis Suares kabi to‘purar hujumchilari bor Urugvay ham mazkur turda gol ura olmadi.
Janubiy Amerikada saralash yakuniga faqatgina 1 ta tur qoldi.
Boliviya — Braziliya 0:0
Venesuela — Urugvay 0:0
Kolumbiya — Paragvay 1:2
Gollar: Radamel Falkao, 79 (1:0). Oskar Kardazo, 89 (1:1). Antonio Sanabria, 90 (1:2).Chili — Ekvador 2:1
Gollar: Eduardo Vargas, 22 (1:0). Romario Ibarra, 84 (1:1). Aleksis Sanches, 86 (2:1).Argentina — Peru 0:0
Izoh (0)