ЖЧ—2018 йўлланмаси учун кураш олиб бораётган Жанубий Америка мамлакатлари саралашнинг 17-тур учрашувларини якунлади.
Аргентина терма жамоаси 5-ўриндан юқорига кўтарилиб олиш учун ўз майдонида Перуни таслим қилиши керак эди. Хавьер Маскерано, Николас Отаменди, Анҳель Ди Мария, Лионель Месси каби футболчилар 90 дақиқа давомида рақиб постига йўл топа олмади. Россия—2018 чиптасини қўлга киритиш учун камида 4-ўринни эгаллаш талаб этилади.
Бразилия терма жамоаси мундиал миссиясини биринчи бўлиб ҳал қилиб улгурганди. Тите бошқарувидаги жамоа бу сафар денгиз сатҳидан 2 минг метр баландликда жойлашган Боливиядан голсиз дуранг билан қайтди. Учрашувда Фернандиньо, Виллиан, Алекс Сандро, Тиаго Силва, Миранда, Даниэль Алвес, Каземиро, Паулиньо, Фелиппе Коутиньо, Габриэль Жесус, Неймар каби юлдузлар ҳаракат қилди.
Колумбия терма жамоаси мазкур турда зафар қучиб, Россияга бориши аниқ бўлган мамлакатлар қаторига кириши мумкин эди. Радамель Фалькао ўйин якунига 10 дақиқа қолганида гол уриб, жамоасини шунга яқин олиб келди. Бироқ парагвайлик футболчилар сўнгги икки дақиқада ўзини кўрсатишга муваффақ бўлди.
Эдинсон Кавани, Луис Суарес каби тўпурар ҳужумчилари бор Уругвай ҳам мазкур турда гол ура олмади.
Жанубий Америкада саралаш якунига фақатгина 1 та тур қолди.
Боливия — Бразилия 0:0
Венесуэла — Уругвай 0:0
Колумбия — Парагвай 1:2
Голлар: Радамель Фалькао, 79 (1:0). Оскар Кардазо, 89 (1:1). Антонио Санабриа, 90 (1:2).Чили — Эквадор 2:1
Голлар: Эдуардо Варгас, 22 (1:0). Ромарио Ибарра, 84 (1:1). Алексис Санчес, 86 (2:1).Аргентина — Перу 0:0
Изоҳ (0)