Britaniya qiruvchilari bortdagi bomba haqida xabardan so‘ng Ryanair laynerini qo‘ndirdi

Britaniya harbiy-havo kuchlarining (RAF) Typhoon qiruvchilari Ryanair aviakompaniyasining Kaunasdan Londonning Luton aeroportiga uchgan Boeing 737-800 samolyoti bortidagi bomba haqida xabardan so‘ng uni tutib olib, Stansted aeroportiga qo‘nishga majbur yetdi. Bu haqda “RBK” ma’lum qildi.

RAF vakiliga ko‘ra, qiruvchilar shunchalik shoshilinch ko‘tarilganki, uchuvchilarga laynerni tutish uchun tovushdan ortiq tezlikka chiqishga ruxsat berilgan.

Esseks politsiyasi qo‘nishdan so‘ng Ryanair yo‘lovchilari havo kemasini eson-omon tark etganini bildirdi. Airlive portali samolyotdan chiqqan yo‘lovchilarni avtobuslarga qurolli kishilar kuzatib qo‘ygani, ularning yuklarini esa politsiya itlari hidlab ko‘rganini ma’lum qildi.

Bosh inspektor Richard Fillibraun layner bortida shubhali hech narsa topilmagani, uning yo‘lovchilari esa Luton aeroportiga yetkazilishini bildirdi.