Британия ҳарбий-ҳаво кучларининг (RАF) Typhoon қирувчилари Ryanair авиакомпаниясининг Каунасдан Лондоннинг Лутон аэропортига учган Boeing 737-800 самолёти бортидаги бомба ҳақида хабардан сўнг уни тутиб олиб, Станстед аэропортига қўнишга мажбур етди. Бу ҳақда «РБК» маълум қилди.
РАФ вакилига кўра, қирувчилар шунчалик шошилинч кўтарилганки, учувчиларга лайнерни тутиш учун товушдан ортиқ тезликка чиқишга рухсат берилган.
Эссекс полицияси қўнишдан сўнг Ryanair йўловчилари ҳаво кемасини эсон-омон тарк этганини билдирди. Airlive портали самолётдан чиққан йўловчиларни автобусларга қуролли кишилар кузатиб қўйгани, уларнинг юкларини эса полиция итлари ҳидлаб кўрганини маълум қилди.
Бош инспектор Ричард Филлибраун лайнер бортида шубҳали ҳеч нарса топилмагани, унинг йўловчилари эса Лутон аэропортига етказилишини билдирди.
Изоҳ (0)