Ekologiya va atrof-muhitni asrash bo‘yicha O‘zbekiston Respublikasining davlat qo‘mitasi hamda “Toshrangmetzavod” AJ hamkorligida “Tabiatga imkon bering” loyihasi yurtimizda ish boshlagani haqida avval xabar berilgandi.
Joriy yil boshida ish boshlagan ushbu loyiha yuridik hamda jismoniy shaxslarning eski elektrotexnikalarini utilizatsiya qilish bilan shug‘ullanardi. Bunda, uzoq payt chiqindi bo‘lib qolib ketsa, o‘zidagi metall va plastmassadan zararli moddalar ajratib chiqaradigan eski texnikalarni atrof-muhitga zarar keltirmaydigan usulda utilizatsiya qilish va bu bilan tabiatni asrashda hissa qo‘shish loyihaning asosiy maqsadi hisoblanadi.
Shuningdek, jismoniy shaxslarga loyihada ishtirok etganlik uchun sovg‘a tariqasida yangi qurilmalar xaridi uchun chegirmali kupon taqdim qilinadi.
Loyiha yuridik hamda jismoniy shaxslar uchun xizmat ko‘rsatadi va jismoniy shaxslarning utilizatsiya qilingan avtomobillari uchun yangisini xarid qilishga chegirmali kupon beriladi.
Avtomobillarni utilizatsiyaga topshirish uchun quyidagi uchta oddiy bosqichdan o‘tish lozim:
- Avtomobilni YHXBB hisobidan utilizatsiya uchun o‘chirtirish. Bunda vaqtingizni tejash uchun “Tabiatga imkon bering” loyihasi xodimlari barcha hujjatlarni tayyorlashda yordam berishadi;
- Loyihaning qo‘ng‘iroqlar markazi bilan +998(71) 122-77-22 raqam orqali bog‘lanib, avtomobilni utilizatsiya qilish haqida operatorga ariza qoldirish;
- Belgilangan vaqtda evakuatorni kutib olish va utilizatsiya qilinadigan avtomobilining oldiga yo‘naltirish.
Izoh (0)