2017-yilning fevralida Ayova shtati universiteti “Kinnik” stadioni yonidan bolalar kasalxonasini ochdi. Ushbu stadionda Amerika futboli bo‘yicha universitet talabalarining uchrashuvlari o‘tkaziladi. Kasalxonaning yuqori qavatida kasal bolalar va ularning oilasi jamoalar o‘yinini kuzatishlari uchun maxsus maydoncha bor, deb xabar berdi TJournal.
2017-yilning iyunida Milliy talabalar ligasi mavsumining (NCAA) boshlanishidan oldin muxlislar ochilish o‘yiniga fleshmob tayyorladi: birinchi to‘rtlikdan keyin futbol ishqibozlari kasalxonadagi bolalarga o‘girilishadi va ularga qo‘l silkitishadi. “Kinnik”ka tashrif buyurgan salkam 70 ming muxlis bu ishni 4-sentabr kuni amalga oshirdi.
Fleshmob yangi an’anaga aylandi. Har bir o‘yinda ishqibozlar kasalxonadagi bolalarga shu usulda salom yo‘llamoqda.
24-sentabr kuni Ayova shtati universitetining jamoasi o‘zining birinchi uchrashuvini o‘tkazdi. Tashrif buyurganlar bunga tayyorgarlik ko‘rishdi: ular fonarlar yordamida bolalarga salom yo‘llashdi.
Izoh (0)