Rossiyada kimyoviy qurol zaxiralari butunlay yo‘q qilindi 

Rossiya kimyoviy qurol zaxiralarini tugatishni yakunladi: oxirgi ikki jangovar o‘q-dori Udmurtiyadagi zavodda yo‘q qilindi, deya xabar beradi Meduza.

Rossiya prezidenti Vladimir Putin oxirgi kimyoviy o‘q-dorilar yo‘qotilishini “tarixiy voqea” deb atadi.

“Buni hech qanday mubolag‘asiz tarixiy voqea deb atash mumkin. Xususan, sovet davridan qolgan aslahalarning ulkan hajmini nazarda tutiladigan bo‘lsa”, — dedi Putin.

Rossiya prezidenti AQShni kimyoviy qurolni yo‘q qilish bo‘yicha majburiyatlarini bajarmaslikda aybladi. Putinga ko‘ra, amerikaliklar buning uchun zarur moliyaviy vositalar yetishmovchiligini bahona qilib, o‘q-dorilarga barham berish muddatini uchinchi marotaba ortga surmoqda.