2017 йилнинг февралида Айова штати университети «Кинник» стадиони ёнидан болалар касалхонасини очди. Ушбу стадионда Америка футболи бўйича университет талабаларининг учрашувлари ўтказилади. Касалхонанинг юқори қаватида касал болалар ва уларнинг оиласи жамоалар ўйинини кузатишлари учун махсус майдонча бор, деб хабар берди TJournal.
2017 йилнинг июнида Миллий талабалар лигаси мавсумининг (NCAA) бошланишидан олдин мухлислар очилиш ўйинига флешмоб тайёрлади: биринчи тўртликдан кейин футбол ишқибозлари касалхонадаги болаларга ўгирилишади ва уларга қўл силкитишади. «Кинник»ка ташриф буюрган салкам 70 минг мухлис бу ишни 4 сентябрь куни амалга оширди.
Флешмоб янги анъанага айланди. Ҳар бир ўйинда ишқибозлар касалхонадаги болаларга шу усулда салом йўлламоқда.
24 сентябрь куни Айова штати университетининг жамоаси ўзининг биринчи учрашувини ўтказди. Ташриф буюрганлар бунга тайёргарлик кўришди: улар фонарлар ёрдамида болаларга салом йўллашди.
Изоҳ (0)