Dominikadagi “Mariya” dovuli qurbonlari soni kamida 30 kishiga yetdi, deb xabar beradi “RIA Novosti”.
Avvalroq, 15 kishining vafot etgani va 20 kishining bedarak yo‘qolgani haqida ma’lum qilingan edi.
Mamlakat poytaxtidan janubda joylashgan Puente Mishel viloyatida 15 kishi halok bo‘lgan. Dovul 90 foiz uylarning tomini uchirib ketgan, aksariyat hududlar suv va elektr ta’minotidan uzilib qolgan.
Saffira – Simpson o‘lchovi bo‘yicha ikkinchi darajadagi “Mariya” dovuli ayni vaqtda Atlantika okeanining AQShdagi sohillaridan shimolga qarab harakatlanmoqda.
Dovul oqibatida Puerto-Riko, Dominika, Gvadelupa, Gaiti, Virginiya orollari va Dominikan respublikasi aholisi vakillari eng ko‘p vafot etgan.
Izoh (0)