Turkiya bosh vaziri Binali Yildirim Iroq Kurdistoni mustaqilligi masalasida o‘tkazilishi rejalashtirilayotgan referendumni noqonuniy deb atadi. Bu haqda “Gazeta.ru” xabar bermoqda.
Yildirimning so‘zlariga ko‘ra, Turkiya 25-sentabr kuni Iroq Kurdistoni hukumati tomonidan o‘tkazilishi kutilayotgan referendumni “noqonuniy va haqiqiy emas” deb hisoblaydi.
Yildirimning qo‘shimcha qilishicha, Iroq Kurdistoni hukumati “referendum natijalari uchun javob berishga majbur bo‘ladi”.
Anqara Kurdiston mustaqilligi masalasida referendum o‘tkazish qaroriga bir necha bor qarshi chiqqan. Bunday referendum “Turkiya milliy xavfsizligi rahna soladi”, deb hisoblaydi.
Avvalroq AQSh prezidenti Donald Tramp va Turkiya davlat rahbari Rajab Toyyib Erdo‘g‘on Iroq Kurdistonidagi referendum jiddiy oqibatlarga sabab bo‘lishidan ogohlantirgan edi.
Izoh (0)