O‘ta o‘ng kayfiyatdagi “Germaniya uchun muqobil yo‘l” partiyasi Bundestagga saylovlarda 13 foiz ovoz oldi. Germaniyadagi parlament saylovlarining ekzit-poll natijalari shunday, deb yozadi Meduza.
Hukmron XDI/XSI bloki 33,5 foiz, Germaniya Sotsial-demokratik partiyasi (GSDP) esa 21 foiz ovoz oldi. “Erkin demokratlar”ga 10 foiz, “So‘llar” va “Yashillar”ga 9 foizdan ovozni qo‘lga kiritgan.
https://twitter.com/ZDFheute/status/911983576253648897
Ekzit-poll natijalari e’lon qilinganidan so‘ng, sotsial-demokratlar (GSDP) XDI/XSI bloki bilan yangi koalitsiya tashkil etishdan bosh tortishini e’lon qildi.
Saylov uchastkalaridan olingan dastlabki ma’lumotlar esa ekzit-poll natijalaridan birozgina farq qilmoqda.
Ma’lumot uchun, Germaniyaning amaldagi hukumati XDI/XSI va GSDP koalitsiyasi tomonidan shakllantirilgan. 2013-yili o‘tgan saylovlar yakuniga ko‘ra, ushbu koalitsiya 630 mandatdan 502 tasini qo‘lga kiritib, Angela Merkelni kansler lavozimiga qayta saylagan edi.
Izoh (0)