O‘zbekiston Respublikasi Prezidenti Shavkat Mirziyoyevning taklifiga binoan Qozog‘iston Respublikasi Prezidenti Nursulton Nazarboyev 16—17-sentabr kunlari davlat tashrifi bilan O‘zbekistonda bo‘ldi. Tashrif doirasida “O‘zekspomarkaz”da Qozog‘iston milliy mahsulotlari ko‘rgazmasi tashkil etildi. Bu haqda “O‘zbekiston 24” xabar bermoqda.
Unda Qozog‘istonning avtomobil, harbiy texnika, qurilish materillari, to‘qimachilik, oziq-ovqat mahsulotlarini ishlab chiqaruvchi qirqdan oshiq kompaniyalari ishtirok etdi.
Ko‘rgazmaning ochiq pavilyonida harbiy texnika va vositalar namoyish etildi.
Ichki pavilyonda Qozog‘istonning “Lada”, JAC brendi ostida ishlab chiqarilgan yengil avtomobillar ishtirokchilarda katta qiziqish uyg‘otdi.
Tashkilotchilar so‘zlariga ko‘ra, endilikda bu kabi ko‘rgazmalar muntazamlik asosida har ikki davlatda o‘tkazib boriladi.
Nashr ko‘rgazmadan tayyorlangan fotoreportajni havola etdi.
Izoh (0)