Ўзбекистон Республикаси Президенти Шавкат Мирзиёевнинг таклифига биноан Қозоғистон Республикаси Президенти Нурсултон Назарбоев 16—17 сентябрь кунлари давлат ташрифи билан Ўзбекистонда бўлди. Ташриф доирасида «Ўзекспомарказ»да Қозоғистон миллий маҳсулотлари кўргазмаси ташкил этилди. Бу ҳақда «Ўзбекистон 24» хабар бермоқда.
Унда Қозоғистоннинг автомобиль, ҳарбий техника, қурилиш материллари, тўқимачилик, озиқ-овқат маҳсулотларини ишлаб чиқарувчи қирқдан ошиқ компаниялари иштирок этди.
Кўргазманинг очиқ павильонида ҳарбий техника ва воситалар намойиш этилди.
Ички павильонда Қозоғистоннинг Lada, JAC бренди остида ишлаб чиқарилган енгил автомобиллар иштирокчиларда катта қизиқиш уйғотди.
Ташкилотчилар сўзларига кўра, эндиликда бу каби кўргазмалар мунтазамлик асосида ҳар икки давлатда ўтказиб борилади.
Нашр кўргазмадан тайёрланган фоторепортажни ҳавола этди.
Изоҳ (0)