18-sentabrning e’tiborga molik yangiliklari — “Daryo”ning kechki dayjestida.
1. Ohangaronda ro‘y bergan YTHda to‘rt kishi halok bo‘ldi. Guliston – Angren avtomobil yo‘lining 159 kilometrida Nexia avtomashinasi yuk mashinasi bilan to‘qnashgan.
2. Ostonada qurilayotgan obyektning devori qulashi oqibatida 2 nafar O‘zbekiston fuqarosi halok bo‘ldi. O‘zbekistonning Qozog‘istondagi elchixonasi ushbu hodisa sabablarini o‘rganmoqda.
3. Shavkat Mirziyoyev AQShga jo‘nab ketdi. U BMT Bosh Assambleyasining 72-sessiyasi umumiy muzokaralarida nutq so‘zlaydi.
4. Foto: O‘zbekistonning rohinja qochqinlari uchun mo‘ljallangan insonparvarlik yordami Dakkaga yetkazildi. O‘zbekiston vakillari ushbu zarur mahsulotlar va insonparvarlik yordamini 18-sentabr, dushanba kuni soat 11.00 da Bangladesh Qizil yarim oy jamiyatining milliy bosh qarorgohida topshirdi.
5. O‘zbekistonda dollarning rasmiy kursi 14,65 so‘mga tushdi. Dollarning kursi ketma-ket ikkinchi hafta pasaydi.
Izoh (0)