AQSh prezidenti Donald Tramp Janubiy Koreya rahbari Mun Chje In bilan o‘tkazgan telefon muloqotida KXDR yetakchisi Kim Chen Inni “raketa odam” deb atadi. Bu haqda AQSh yetakchisi Twitter’dagi sahifasi orqali ma’lum qildi, deb xabar beradi “TASS”.
“Kecha kechqurun Janubiy Koreya prezidenti Mun Chje In bilan telefon orqali suhbatlashdim. Undan raketa-odam qanday yurganini so‘radim”, — deb yozdi Tramp.
Ilgariroq Janubiy Koreya prezidenti ma’muriyatining rasmiy vakili Pak Su Xyon ikki davlat rahbari 16-sentabr kuni bo‘lib o‘tgan muzokaralar chog‘ida KXDRga bosimni kuchaytirishga kelishib olganini tasdiqlagan edi.
Izoh (0)