Angliyaning Nortgempton grafligida yashovchi Jek Peyj dunyodagi eng omadsiz sayohatchi bo‘lishi mumkin. Daily Mail’ning yozishicha, 29 yoshli mutaxassisning ishdan tashqari har qanday safari falokatga aylanadi.
So‘nggi 10 yil davomida Peyj sayohat uchun ekzotik yo‘nalishlarni tanlaydi, biroq hamma joyda uni omadsizlik ta’qib qiladi. Masalan, Birmaga safari vaqtida u o‘tirgan poyezd relsdan chiqib ketgan va Peyj o‘sha joyda 36 soat qolib ketgan. Borneodagi hech kim yashamaydigan orollardan birida uning hamma oziq-ovqatini och qolgan kaltakesaklar yeb qo‘ygan.
Hindistonda unga sigir hujum qilgan, Everestga ko‘tarilish chog‘ida esa ovqat hazm qilish tizimining parazit infeksiyasi bo‘lgan lyamblioz kasalligiga chalingan.
Chernobilga 2015-yilda qilgan safari vaqtida Jek norozilik namoyishiga duch kelgan va uni fotoapparatidagi barcha suratlarni o‘chirib tashlashga majbur qilishgan.
Izoh (0)