Fransiya huquq-tartibot idoralari mamlakatni teraktlarning yangi turlaridan himoya qilishga tayyorgarlik ko‘rmoqda. Bu haqda, Le Parisien manbalariga tayanib, “Gazeta.ru” xabar bermoqda.
Mamlakat politsiya bosh boshqarmasi sentabr avvalida shunga oid maxsus bayonot e’lon qildi. Unda terrorchilar poyezdlarni izdan chiqarish uchun hujumlar uyushtirishni rejalashtirayotgani ma’lum qilingan.
Jangarilar Yevropadagi tarafdorlarini “ishonch qozonib, so‘ng terakt sodir etish”, bunda yakka hujumlar, xususan, “o‘rmonlarga o‘t qo‘yish yoki taomga zahar qo‘shish”ga chaqirdi.
Fransiya politsiyasi tahdid o‘ta yuqori darajada qolayotgani haqida ogohlantirdi. Yangi o‘quv yili boshlangani munosabati bilan o‘quv yurtlari rahbarlariga tovarlarni o‘g‘irlash harakatlariga e’tibor qaratish tavsiya etilgan.
Mashinalarni ijaraga beruvchi kompaniyalardan transport vositasini olayotgan kishilarning hujjatlarini sinchiklab tekshirish so‘raldi.
Izoh (0)