Shimoliy Karolina shtatining Fort-Bregg bazasida sodir bo‘lgan portlash oqibatida bir nafar harbiy halok bo‘ldi. Bu haqda AQSh maxsus operatsiyalar qo‘mondonligi o‘zining Facebook’dagi sahifasida ma’lum qildi, deb xabar beradi “RBK”.
Shuningdek, harbiy qo‘mondonlikning aniqlik kiritishicha, noxush hodisa oqibatida yana yetti nafar kursant va baza xodimlari jarohat olgan.
Fort-Bregg bazasidagi portlash 14-sentabr kuni o‘quv mashg‘ulotlari jarayonida sodir bo‘lgan. Portlashga aynan nima sabab bo‘lganini AQSh armiyasi hozircha ma’lum qilmadi. Harbiy qo‘mondonlik o‘zining bayonotida ushbu hodisa bo‘yicha tergov ishlari davom etayotganini ta’kidlagan.
Izoh (0)