Vashintondagi josuslik xalqaro muzeyi kelgusi yili 78 yil mobaynida birinchi marotaba rossiyalik davlat arbobi Lev Trotskiy o‘ldirililishida qo‘llangan muzo‘yar boltani namoyish etadi. Bu haqda “Gazeta.ru” xabar bermoqda.
2018-yilda muzey yangi binoga ega bo‘ladi va o‘z kolleksiyasini 5 mingta yangi buyum, jumladan, ushbu bolta bilan to‘ldiradi.
Trotskiy o‘ldirilishida qo‘llangan buyum ilk bor 1940-yilda politsiya matbuot anjumanida ko‘rsatilgan. Shundan so‘ng bolta politsiyada saqlangan, keyinchalik uni politsiyachi Alfredo Salas o‘ziga oladi va qizi Anya Alisiyaga qoldiradi.
Ayol 40 yil davomida boltani karavoti ostida saqladi. Uni Trotskiyning nabirasiga beg‘araz berishdan bosh tortdi va 2005-yilda sotuvga qo‘ydi. Muzo‘yarni xarid qilgan amerikalik kolleksiyachi Kit Melton keyinroq uni josuslik muzeyiga hadya etishga qaror qildi.
Izoh (0)