Rossiya va Turkiya S-400 zenit raketa tizimlarini yetkazib berish bo‘yicha shartnomani imzoladi. Bu haqda Rossiya prezidentining harbiy-texnik hamkorlik masalalari bo‘yicha yordamchisi Vladimir Kojin ma’lum qildi, deya xabar beradi “TASS”.
“Shartnoma imzolangan va uni bajarish uchun tayyorgarlik ketmoqda. Mazkur hujjat bo‘yicha qabul qilinayotgan qarorlar strategik manfaatlarimiz uchun xizmat qiladi”, — dedi Kojin.
Rossiya prezidenti yordamchisiga ko‘ra, S-400 zenit raketa tizimlariga qiziqish katta va uni xarid qilishga navbat mavjud.
“Bu Janubi-Sharqiy Osiyo, Yaqin Sharq mamlakatlari va ODKBga a’zo ayrim davlatlar. Buyurtmalar ko‘p, biroq S-400 o‘ta qimmat bo‘lgani sababli hammaning ham uni xarid qilishga qurbi yetmaydi”, — ta’kidladi Kojin.
Izoh (0)