Россия ва Туркия С-400 зенит ракета тизимларини етказиб бериш бўйича шартномани имзолади. Бу ҳақда Россия президентининг ҳарбий-техник ҳамкорлик масалалари бўйича ёрдамчиси Владимир Кожин маълум қилди, дея хабар беради «ТАСС».
«Шартнома имзоланган ва уни бажариш учун тайёргарлик кетмоқда. Мазкур ҳужжат бўйича қабул қилинаётган қарорлар стратегик манфаатларимиз учун хизмат қилади», — деди Кожин.
Россия президенти ёрдамчисига кўра, С-400 зенит ракета тизимларига қизиқиш катта ва уни харид қилишга навбат мавжуд.
«Бу Жануби-Шарқий Осиё, Яқин Шарқ мамлакатлари ва ОДКБга аъзо айрим давлатлар. Буюртмалар кўп, бироқ С-400 ўта қиммат бўлгани сабабли ҳамманинг ҳам уни харид қилишга қурби етмайди», — таъкидлади Кожин.
Изоҳ (0)