12-sentab kuni Moskva shahrida O‘zbekiston madaniyati kunlari ish boshlaydi. Davlat Kreml saroyida uning tantanali ochilishiga bag‘ishlangan konsert bo‘lib o‘tadi, deb xabar beradi “O‘zbekiston 24” telekanali.
Ayni daqiqalarda o‘zbek san’atkorlari ushbu tadbirga qizg‘in tayyorgarlik ko‘rmoqda. Unda “Maqom”, “O‘zbekiston”, “Navbahor” ashula va raqs ansambllari, yoshlar simfonik orkestri, yetakchi opera solistlari o‘z dasturlarini namoyish etadi.
14-sentabrga qadar davom etadigan O‘zbekiston madaniyati kunlari doirasida, shuningdek, turli mavzularda xalq amaliy san’ati ko‘rgazmalari tashkil etiladi, “O‘zbekiston madaniy merosi — dunyo nigohida” deb nomlangan davra suhbati ham o‘tkaziladi.
Izoh (0)