2001-yil 11-sentabrdagi fojia chog‘ida Dorado laqabli to‘rt yoshli labrador-retriver qahramonlik va jasorat ko‘rsatib, ko‘zi ojiz xo‘jayini Omar Riverning binodan chiqib olishiga yordam bergan, deb yozadi National Geographic.
O‘sha kuni ertalab Omar Shimoliy minoraning 71-qavatida ish stoli yonida o‘tirgan, yonida esa iti mudrab yotgan edi.
Samolyot Riverning ish joyidan 25 qavat balandga kelib urildi. Omar ko‘zi ojizligi tufayli binodan chiqa olmasligini his qildi va itini bo‘shatib yubordi. Ammo Dorado bir necha daqiqadan so‘ng qaytib kelib, Riverni avariyali chiqish eshigi tomon yetakladi va ular zinadan tushayotgan olomonga qo‘shildi. U yerda Omarga boshlig‘i ham yordamlashdi. Oxir-oqibat, ularning uchalasi ham ko‘chaga chiqib, minora vayron bo‘lgunicha bir necha kvartal nariga borib olishga ulgurdi.
11-sentabrdagi fojiada yana bir labrador retriever — Rozella o‘z egasi Maykl Xingsonga 78-qavatdan tushishda yordam berdi.
Jeyk laqabli qora labrador esa nafaqat 11-sentabrdagi fojia vaqtida, balki Katrina dovulidan keyin ham xarobalar ostidan odamlarni qutqargan.
Izoh (0)