Avstraliyalik sayyoh Uelsdagi Sumxir ibodatxonasidan o‘g‘irlab ketilgan toshni obida unga omadsizlik keltirishni boshlaganidan nolib, ortiga qaytardi. Bu haqda “RIA Novosti” xabar bermoqda.
Sayyoh toshga qo‘shib jo‘natgan maktubda uni “boshi tanidan judo etilgan shahzoda sharpasi” ta’qib etishni boshlagani ma’lum qilingan. Sumxir abbatligiga 1170-yilda oradan 9 yil o‘tib o‘ldirilgan Uels hukmdori Kadvallon ap Madog asos solgani aytiladi.
“Qadimiy abbatlikning bir bo‘lagini olganim,o‘g‘irlaganimdan juda afsusdaman. Uels hukmdorlarining ashaddiy muxlisiman, shu sababli toshni olgandim”, — deyiladi maktubda.
Hozirda ushbu xat tosh bilan birga ibodatxonaga kirishda barcha ko‘rishi uchun namoyishga qo‘yilgani bildirilmoqda.
Izoh (0)