Австралиялик сайёҳ Уэльсдаги Цумхир ибодатхонасидан ўғирлаб кетилган тошни обида унга омадсизлик келтиришни бошлаганидан нолиб, ортига қайтарди. Бу ҳақда «РИА Новости» хабар бермоқда.
Сайёҳ тошга қўшиб жўнатган мактубда уни «боши танидан жудо этилган шаҳзода шарпаси» таъқиб этишни бошлагани маълум қилинган. Цумхир аббатлигига 1170 йилда орадан 9 йил ўтиб ўлдирилган Уэльс ҳукмдори Кадваллон ап Мадог асос солгани айтилади.
«Қадимий аббатликнинг бир бўлагини олганим,ўғирлаганимдан жуда афсусдаман. Уэльс ҳукмдорларининг ашаддий мухлисиман, шу сабабли тошни олгандим», — дейилади мактубда.
Ҳозирда ушбу хат тош билан бирга ибодатхонага киришда барча кўриши учун намойишга қўйилгани билдирилмоқда.
Изоҳ (0)