Kreml suxandoni: O‘zbekiston bilan muzokaralar chog‘ida Rossiya ichki ishlar vaziri familiyasini ayta olmay qolganman

Kreml suxandoni Yevgeniy Xoroshevsev qaysi xatolari tufayli Rossiya prezidentidan tanbehlar eshitganini gapirib berdi, deb yozadi “Vesti.ru”.

“Mukofot topshirish chog‘ida men Do‘stlik ordeni deyish o‘rniga, sobiq ittifoq davridagi ordenni — Xalqlar do‘stligi ordenini tilga olganman. Buni menga Putin aytgan. Unga bu boshqa qaytarilmasligiga va’da berganman”, — dedi u.

Yana bir kulgili holat o‘zbekistonlik sheriklar bilan muzokaralardan so‘ng hujjatlarni imzolash chog‘ida yuz bergan, o‘shanda suxandon Rossiya ichki ishlar vaziri Vladimir Kolokolsevning familiyasini qiyinchilik bilan talaffuz qilgan.

“Rossiya ichki ishlar vazirining familiyasidan keyin uning o‘zbekistonlik hamkasbi ism-sharifini aytishim kerak edi, va e’tiborim o‘shanga ketib qolgani tufayli Vladimir Kolokolsevning familiyasini ayta olmay qoldim”, — deya aniqlik kiritdi Yevgeniy Xoroshevsev.