Isroil bosh vaziri Binyamin Netanyaxu armiyada xizmat qilishni xohlagan so‘qir yigitni shaxsan armiya safiga qabul qildi. Bu haqda Forum Daily xabar berdi.
Netanyaxu o‘z rafiqasi bilan birga 18 yoshli Daniel Defurni Quddusdagi ofisida qabul qildi. U yigitga Isroil armiyasining asosiy nishoni bo‘lgan beretni topshirdi.
“Ko‘plab jamiyatlarning muammosi shundaki, u yerda, avvalo, odamlarning kamchiligiga qaraladi. Kelinglar, har birimizning boyligimiz va kuchli tomonimiz qadrlanadigan mamlakat bo‘lib qolaylik”, — degan Isroil bosh vaziri. Shuningdek, bosh vazir Defur o‘z orzulari ushalishi uchun xizmat qilishini qo‘shimcha qildi va yigitga o‘z mamlakatiga xizmat qilish istagi uchun minnatdorchilik bildirib, armiya safidagi xizmatida omad tiladi.
Yigit Isroil Harbiy-havo kuchlari aviabazalaridan biridagi gornizonning yarim yo‘naltirilgan a’zosi bo‘ladi.
Defur bosh vazir bilan iyun oyida uchrashgan. O‘shanda yigit uning uchta orzusi borligini aytgan. do‘stlari ko‘p bo‘lishi, bosh vazirning mashinasida sayr qilish va armitaga borish. Netanyaxu yigitga yordam berishga va’da berdi va u haqda Facebook’dagi obunachilariga hikoya qilib berdi. Shundan so‘ng Danielga Facebook’da do‘stlashish uchun so‘rovlar shunchalik ko‘p keldiki, ularning soni 2000 kishidan oshib, yigitning profili sahifaga aylandi. Bosh vazir uni o‘zining zirhlangan Audi A8 avtomobilida sayr qildirdi.
Yigitning so‘nggi tilagini amalga oshirish uchun Netanyaxu Special in Uniform jamoat tashkilotiga murojaat qilgan. Tashkilot tibbiy patologiyasi tufayli chaqiruvdan ozod qilingan, biroq bu erkinlikdan foydalanishni xohlamaydigan o‘smirlar bilan shug‘ullanadi.
Isroilda umumiy harbiy majburiyat tatbiq etilgan. Yigitlar uch yilga, qizlar esa ikki yilga harbiy xizmatga chaqiriladi. Xizmatdan faqat diniy e’tiqod tufayli ortodoksal yahudiylar va nogironlar ozod etiladi. Armiyadan bosh tortganlik uchun jinoiy javobgarlik belgilangan, biroq isroilliklar orasida harbiy xizmat ommabop hisoblanadi. Maxsus topshiriqli bo‘linmalar, Harbiy-havo kuchlari, chegara xizmati kabi elita qismlarga tanlov bitta o‘ringa bir necha o‘ntani tashkil qiladi.
Izoh (0)