Исроил бош вазири Биньямин Нетаньяху армияда хизмат қилишни хоҳлаган сўқир йигитни шахсан армия сафига қабул қилди. Бу ҳақда Forum Daily хабар берди.
Нетаньяху ўз рафиқаси билан бирга 18 ёшли Даниэл Дефурни Қуддусдаги офисида қабул қилди. У йигитга Исроил армиясининг асосий нишони бўлган беретни топширди.
«Кўплаб жамиятларнинг муаммоси шундаки, у ерда, аввало, одамларнинг камчилигига қаралади. Келинглар, ҳар биримизнинг бойлигимиз ва кучли томонимиз қадрланадиган мамлакат бўлиб қолайлик», — деган Исроил бош вазири. Шунингдек, бош вазир Дефур ўз орзулари ушалиши учун хизмат қилишини қўшимча қилди ва йигитга ўз мамлакатига хизмат қилиш истаги учун миннатдорчилик билдириб, армия сафидаги хизматида омад тилади.
Йигит Исроил Ҳарбий-ҳаво кучлари авиабазаларидан биридаги горнизоннинг ярим йўналтирилган аъзоси бўлади.
Дефур бош вазир билан июнь ойида учрашган. Ўшанда йигит унинг учта орзуси борлигини айтган. дўстлари кўп бўлиши, бош вазирнинг машинасида сайр қилиш ва армитага бориш. Нетаньяху йигитга ёрдам беришга ваъда берди ва у ҳақда Facebook’даги обуначиларига ҳикоя қилиб берди. Шундан сўнг Даниэлга Facebook’да дўстлашиш учун сўровлар шунчалик кўп келдики, уларнинг сони 2000 кишидан ошиб, йигитнинг профили саҳифага айланди. Бош вазир уни ўзининг зирҳланган Audi A8 автомобилида сайр қилдирди.
Йигитнинг сўнгги тилагини амалга ошириш учун Нетаньяху Special in Uniform жамоат ташкилотига мурожаат қилган. Ташкилот тиббий патологияси туфайли чақирувдан озод қилинган, бироқ бу эркинликдан фойдаланишни хоҳламайдиган ўсмирлар билан шуғулланади.
Исроилда умумий ҳарбий мажбурият татбиқ этилган. Йигитлар уч йилга, қизлар эса икки йилга ҳарбий хизматга чақирилади. Хизматдан фақат диний эътиқод туфайли ортодоксал яҳудийлар ва ногиронлар озод этилади. Армиядан бош тортганлик учун жиноий жавобгарлик белгиланган, бироқ исроилликлар орасида ҳарбий хизмат оммабоп ҳисобланади. Махсус топшириқли бўлинмалар, Ҳарбий-ҳаво кучлари, чегара хизмати каби элита қисмларга танлов битта ўринга бир неча ўнтани ташкил қилади.
Изоҳ (0)