Germaniyaning Duysburg shahrida qumdan qurilgan qasr Ginnesning rekordlari kitobiga kiritildi. Bu haqda Associated Press’ga tayanib, “Interfaks” xabar berdi.
Qasrning balandligi 16,68 metr (bu besh qavatli uyning balandligi bilan teng) bo‘lib, uni qurishda 3,5 ming tonna qumdan foydalanildi.
Avvalroq, Ginnesning rekordlari kitobi vakili Jek Brokbenk dunyodagi eng katta qum-qasrni ro‘yxatdan o‘tkazganini ma’lum qilgandi. Bundan oldin rekordlar kitobiga kirgan qum-qasrning balandligi 14,84 metrga teng edi.
Duysburgdagi ushbu qum-qasr kamida 24-sentabrga qadar turishi kutilmoqda.
Izoh (0)