2-sentabr kuni Samarqandda O‘zbekiston Birinchi Prezidenti Islom Karimovga atab qurilgan yodgorlik majmuasining tantanali ochilishi bo‘lib o‘tdi, deb yozadi UzNews. Tadbir Islom Karimov vafotiga bir yil to‘lishi munosabati bilan o‘tkazildi.
Loyihani amalga oshirishda YuNESKOning Butunjahon merosi markazi, Qadimiy yodgorliklarni asrash bo‘yicha xalqaro kengash ishtirok etdi.
Maqbara marmar va granitdan ishlangan bo‘lib, muqaddas Qur’ondan olingan oyatlar yozuvlari bilan bezatilgan. Gumbaz ostidagi peshtoqlarga Islom Karimovning hikmatli so‘zlari o‘zbek, ingliz va arab tillarida yozilgan.
Majmuaga tutashgan hudud kengaytirilgan, tashrifchilar uchun barcha qulayliklar yaratilgan. Mamlakat Birinchi Prezidentining maqbarasi Hazrati Xizr masjidi bilan uyg‘unlashib ketgan.
Izoh (0)