2 сентябрь куни Самарқандда Ўзбекистон Биринчи Президенти Ислом Каримовга атаб қурилган ёдгорлик мажмуасининг тантанали очилиши бўлиб ўтди, деб ёзади UzNews. Тадбир Ислом Каримов вафотига бир йил тўлиши муносабати билан ўтказилди.
Лойиҳани амалга оширишда ЮНЕСКОнинг Бутунжаҳон мероси маркази, Қадимий ёдгорликларни асраш бўйича халқаро кенгаш иштирок этди.
Мақбара мармар ва гранитдан ишланган бўлиб, муқаддас Қуръондан олинган оятлар ёзувлари билан безатилган. Гумбаз остидаги пештоқларга Ислом Каримовнинг ҳикматли сўзлари ўзбек, инглиз ва араб тилларида ёзилган.
Мажмуага туташган ҳудуд кенгайтирилган, ташрифчилар учун барча қулайликлар яратилган. Мамлакат Биринчи Президентининг мақбараси Ҳазрати Хизр масжиди билан уйғунлашиб кетган.
Изоҳ (0)