AQSh energetika vazirligining yadro xavfsizligi milliy boshqarmasi mamlakat harbiy-havo kuchlari bilan hamkorlikda oy boshida Nevada shtatida B61 yadro bombasining modifikatsiyasini ikki marta sinovdan o‘tkazdi, deb yozadi “Korrespondent.net” muassasa xabariga tayanib.
B61-12 bombasi sinovlari 8-avgust kuni Tonopa shahridagi poligonda bo‘lib o‘tdi.
Sinovlar chog‘ida yadroviy jangovar qismlari bo‘lmagan bomba F-15E qiruvchisidan tashlandi, bundan maqsad uning noyadroviy funksiyalariga va qiruvchining qurol yetkazish qobiliyatiga baho berishdan iborat bo‘lgan.
Sinovlar B61-12 xizmat muddatini uzaytirish dasturi doirasida bo‘lib o‘tdi. Qo‘mita ma’lumotlariga ko‘ra, B61 modifikatsiyasining ilk sanoat nusxasi 2020-yil martigacha yakunlanadi.
Izoh (0)