“Bu Mortal Combat’dan lavhami yo hind kinosidan?”. Oloy bozori oldida avtobus haydovchisi mushtlashdi (video)

Toshkentning Oloy bozori oldidagi avtobus bekatida haydovchilardan biri mushtlashuv ishtirokchisiga aylanib qoldi. Bu haqda Facebook’dagi “Voditeli Tashkenta” guruhida videoxabar qoldirilgan.

Avtobus haydovchisi kim bilan mushtlashgani noma’lum. U qaysi avtobus yo‘nalishida haydovchilik qilishi ham aniq emas.

Aksariyat foydalanuvchilar avtobus haydovchisining tajovuzkor xulqini qoralagan. Ayni vaqtda, uning shu holga kelishiga sabab bo‘lgan omillarni aniqlash zarurligini ta’kidlagan.

Boshqa ko‘plab foydalanuvchilar esa videoxabarga hazil aralash munosabat bildirgan: kimdir buni hind kinofilmidagi lavhaga qiyoslagan, boshqa birov Mortal Combat’ni yodga olgan. Ko‘pchilik esa bu mushtlashuvni 26-avgust tunida o‘tkazilishi kutilayotgan Makgregor—Meyvezer jangiga tenglashtirgan.