Shavkat Mirziyoyev 23-avgust kuni “O‘zbekiston Respublikasining fan va texnika, adabiyot, san’at va me’morchilik sohasidagi davlat mukofotlarini berish to‘g‘risida”ga farmonni imzoladi. Bu haqda “O‘zbekiston 24” xabar bermoqda.
Unga ko‘ra, mamlakat ilm-fani, adabiyoti va san’atini rivojlantirishga qo‘shgan salmoqli hissasi, jamiyatning ijtimoiy-iqtisodiy, ilmiy-texnik va ma’naviy-ma’rifiy hayotida alohida e’tiborga sazovor bo‘lgan, xalqaro miqyosda e’tirof etilgan fundamental tadqiqotlari, zamon talablariga javob beradigan yuksak, mazmunan dolzarb ijodiy ishlari uchun bir qator fan va madaniyat arboblari davlat mukofotlari bilan taqdirlandi.
Fan va texnika sohasida Ayupov Shavkat Abdullayevich, Qudaybergenov Karimbergen Qadirbergenovich, Omirov Bahrom Abdazovich, Roziqov O‘tkir Abdulloyevich, Inoyatova Flora Ilyasovna, Axmedova Dilorom Ilxamovna, Amonov Shavkat Ergashevichga, adabiyot sohasi bo‘yicha: Qodirov Pirimqulga, san’at va me’morchilik sohasi bo‘yicha Matyakubov Otanazarga birinchi darajali davlat mukofoti berildi.
Ro‘yxatdan o‘rin olgan atoqli o‘zbek yozuvchisi Pirimqul Qodirov o‘limidan so‘ng ushbu mukofotga sazovor bo‘ldi. Marhum adibning yaqinlari mukofotni qabul qilib oladi.
Bundan tashqari, yana qator arboblarga ikkinchi darajali mukofotlar berildi.
Izoh (0)