Xitoyning Yanchjou shahrida Shanxay hamkorlik tashkiloti Milliy koordinatorlari kengashi yig‘ilishida ishtirok etayotgan O‘zbekiston TIV delegatsiyasi Xitoy tashqi ishlar vaziri yordamchisi Li Huilai bilan uchrashdi. Bu haqda TIV matbuot xizmati xabar bermoqda.
Suhbat chog‘ida ShHT doirasidagi ikki tomonlama hamkorlikning hozirgi holati va istiqbollari hamda Xitoyning tashkilotga joriy raisligiga oid boshqa masalalar muhokama qilindi.
Ostonada bo‘lib o‘tgan ShHT sammitidagi O‘zbekiston Prezidenti Shavkat Mirziyoyev tashabbuslarini amalga oshirish masalalariga alohida e’tibor qaratildi.
Uchrashuvda O‘zbekiston—Xitoy hamkorligining qator jihatlari hamda xalqaro va mintaqaviy muammolar yuzasidan ham fikr almashildi.
Izoh (0)