Janubiy Afrika Respublikasi prezidenti Jeykob Zuma oy boshida Yohannesburgdagi tungi klubda ayolga qo‘l ko‘targan oliy ta’lim vaziri o‘rinbosari Mduduzi Mananani lavozimidan ozod etdi. Bu haqda “TASS” xabar bermoqda.
Mojaro ijtimoiy tarmoqlarda yuqori martabali amaldor Mandiza Duma ismli ayolni urayotgani aks etgan videolar, shuningdek, kaltakdan keyingi asorat suratlari tarqalib ketganidan so‘ng ko‘tarildi.
Manananing harakatlari mamlakatda hukmron Afrika milliy kongressi partiyasi tomonidan qoralandi, politsiya ishlari bo‘yicha vazir Fikile Mbalula esa hukumat mazkur holat bo‘yicha ish ochib, surishtiruv olib borayotganini ma’lum qilgan edi.
33 yoshli Manananing o‘zi esa Dumadan, uning oila a’zolari va butun Janubiy Afrika xalqidan uzr so‘radi. “Ochiq-oydin provokatsiyaga qaramay, men o‘zimni batartib tutishim lozim edi”, — dedi u. Janjal sabablari hozircha rasman e’lon qilingani yo‘q, biroq ijtimoiy tarmoqlardagi ma’lumotga ko‘ra, ayol Mananani “besoqolboz” deb atagan.
Mazkur mojaro JARda ayollarni zo‘ravonlikdan himoya qilishga qaratilgan oylik o‘tkazilayotgan vaqtda yuz berdi — ayollarni zo‘rlash va ularga kuch ishlatish mamlakatda keng tarqalgan jinoyatlardan biridir. Ko‘plab jamoat tashkilotlari Manananing iste’fosini talab qilgan edi.
Izoh (0)