IShID terrorchilik tashkiloti Ispaniyaning Kambrils shahrida yuz bergan terakt uchun javobgarlikni o‘z zimmasiga oldi. Avvalroq IShID Barselonadagi terakt uchun ham javobgarlikni o‘z zimmasiga olgan edi, deya xabar bermoqda “Kommersant”.
Ispaniya ichki ishlar vaziri Xuan Ignasio Soidoning so‘zlariga ko‘ra, mamlakat shaharlarida qo‘poruvchilik harakatlarini uyushtirgan “guruh yo‘q qilingan, deb aytish mumkin”.
17-avgust kuni Barselonaning sayyohlik markazi — Las-Ramblas piyodalar ko‘chasida furgon odamlar ustiga bosib borgan, oqibatda 14 kishi halok bo‘lib, 130 dan ziyod odam tan jarohati olgan edi.
Tergov ma’lumotlariga ko‘ra, Barselonadagi terakt va Kataloniyaning boshqa ikki shahri — Kabrils va Alkanarda yuz bergan hodisalar bir-biriga bog‘liq bo‘lib, bu yakka holdagi teraktlar emas, balki Ispaniyaning sayyohlar orasida eng mashhur shahriga qarshi uyushtirilgan to‘laqonli hujum bo‘lgan.
Izoh (0)