Margaret Tetcher hukumati 1990-yilda Iroqning Kuvaytga bostirib kirishini ko‘rib chiqqan. Bunda Fors ko‘rfazida bo‘ladigan urush iqtisodiy foyda olish manbai sifatida qaralgan. Hukumat yozishmalariga tayanib, The Guardian’ning xabar berishicha, nizo Buyuk Britaniya mudofaa vazirligi tomonidan Yaqin Sharq mamlakatlariga o‘z qurol-yarog‘i eksportini oshirish uchun ajoyib imkoniyat sifatida baholangan, deb yozmoqda “TASS”.
Nashr bosh vazirga mudofaa vazirining harbiy xaridlar bo‘yicha o‘rinbosari tomonidan yozilgan “Biz kengayishning qanday siyosatini tanlashimizdan qat’i nazar, bu mudofaa vazirligining qurol eksporti bo‘yicha departamenti uchun ajoyib imkoniyat, qurollar va ularning ochiq namoyishi uchun juda katta poligon”, degan parchani keltirgan.
Gazetaning ta’kidlashicha, boshqa hujjatlar vazir o‘rinbosari qurol savdosini rivojlantirish uchun Qatar va Kuvayt amirlari bilan uchrashganini ko‘rsatadi. Potensial xaridorlar sifatida BAA, Saudiya Arabistoni, Misr va Iordaniya ham ko‘rilgan.
Britaniya o‘sha nizoda Yevropa mamlakatlari orasida eng ko‘p harbiy jo‘natgan davlat bo‘lgan.
Izoh (0)