Маргарет Тетчер ҳукумати 1990 йилда Ироқнинг Кувайтга бостириб киришини кўриб чиққан. Бунда Форс кўрфазида бўладиган уруш иқтисодий фойда олиш манбаи сифатида қаралган. Ҳукумат ёзишмаларига таяниб, The Guardian’нинг хабар беришича, низо Буюк Британия мудофаа вазирлиги томонидан Яқин Шарқ мамлакатларига ўз қурол-яроғи экспортини ошириш учун ажойиб имконият сифатида баҳоланган, деб ёзмоқда «ТАСС».
Нашр бош вазирга мудофаа вазирининг ҳарбий харидлар бўйича ўринбосари томонидан ёзилган «Биз кенгайишнинг қандай сиёсатини танлашимиздан қатъи назар, бу мудофаа вазирлигининг қурол экспорти бўйича департаменти учун ажойиб имконият, қуроллар ва уларнинг очиқ намойиши учун жуда катта полигон», деган парчани келтирган.
Газетанинг таъкидлашича, бошқа ҳужжатлар вазир ўринбосари қурол савдосини ривожлантириш учун Қатар ва Кувайт амирлари билан учрашганини кўрсатади. Потенциал харидорлар сифатида БАА, Саудия Арабистони, Миср ва Иордания ҳам кўрилган.
Британия ўша низода Европа мамлакатлари орасида энг кўп ҳарбий жўнатган давлат бўлган.
Изоҳ (0)