Shveysariyaning Der Bund va Tages-Anzeiger gazetalari jurnalistlari Rossiya prezidenti Vladimir Putin va Italiya fashist diktatori Benito Mussolinining suratlarini qiyosladi, deb yozadi “Mk.ru”.
OAVlar Putin va Mussolini yalang‘och gavda bilan turgani, shuningdek, ot mingani, chang‘i uchayotgani yoki ko‘lda suzayotgani aks etgan suratlarni topdi va ularni ich-ichidan o‘xshash deb topdi.
Jurnalistlar “Rossiya prezidenti 65 yoshli kishi uchun ajoyib bo‘lgan jismoniy formada” ekanligini tan olgan. Ammo “o‘z-o‘zini taqdim etish”ning bunday usulini Germaniyadagi millatchi-sotsialistlar va Italiyadagi fashistlar ommaga ta’sir o‘tkazish maqsadida mukammallikka yetkazgani” aytiladi.
“Swissinfo.ch” portalining rus xizmati rahbari Igor Petrov aytishicha, bunday qiyoslashlar hech qanday shov-shuvni keltirib chiqarmaydi. Rossiyaning Shveysariyadagi elchixonasi bu xabarlarga allaqachon munosabat bildirib, “diplomatik mojaro” bo‘lmasligini va hech qanday izoh bermasligini ma’lum qilgan. “Maqolalar uchun mahalliy matbuot kechirim ham so‘ramaydi, chunki bu yerda ular mustaqil”, — dedi Petrov.
Izoh (0)