Fransiya prezidenti Emmanuel Makron barcha tomonlarni KXDRning raketa dasturi atrofidagi inqirozning kengayib ketishidan qochishga chaqirdi. Bu haqda Yelisey saroyi bayonotiga tayanib, “Gazeta.ru” xabar berdi.
“Respublika prezidenti mintaqadagi ittifoqchilar va hamkorlarga ular bilan hamtaraf ekanligini bildiradi. Bundan tashqari, u barchani mas’uliyatli bo‘lishga va qarshilikning kuchayib ketishidan qochishga chaqiradi”, — deyiladi bayonotda.
Fransiya prezidenti KXDRning yadro va ballistik tahdidlari kuchayayotgani munosabati bilan xavotirda ekanligini ham bildirgan. Shuningdek, u Pxenyan mazkur tahdidni keltirib chiqarayotgan qurol yaratish dasturidan to‘liq voz kechishi kerakligini ta’kidlagan.
Izoh (0)