Rossiyalik biznesmen Roman Abramovich va Moskvadagi “Garaj” zamonaviy san’at muzeyi asoschisi Darya Jukova 10 yillik turmushdan so‘ng ajrashishga qaror qildi, deb yozdi “Meduza”.
Juftlik bu haqda “RBK” tahririyatiga yo‘llagan qo‘shma bayonoti bilan rasman ma’lum qildi. Garchi nikoh bekor qilinayotgan bo‘lsa-da, Abramovich va Jukova keyinchalik ham do‘st bo‘lib qolishlarini ma’lum qilishgan. Ular farzandlarini tarbiya qilishda, birga boshlagan loyihalarini rivojlantirishda o‘zaro hamkorlikni davom ettiradi.
OAV ma’lumotiga ko‘ra, juftlik 2005-yil ilk bor tanishgandi. 2007-yil Abramovich o‘zining 16 yil birga turmush qurgan ikkinchi xotini Irina Malandina bilan ajrashgandi. Ajrimdan so‘ng bevaning hisob-raqami 300 million dollarga boyigandi. Bungacha ular 5 nafar farzandni dunyoga keltirib ulgurgandi.
Darya Jukova esa “Garaj” zamonaviy san’at muzeyidan tashqari, kiyim ishlab chiqaruvchi Kova & T kompaniyasining asoschilaridan biri hisoblanadi.
Abramovich va Jukovaning ikki farzandi bor. Aaron Aleksandr 2009-yil dunyoga kelgan bo‘lsa, 2013-yil Darya turmush o‘rtog‘iga qiz farzand — Leyani sovg‘a qilgandi.
Izoh (0)