Россиялик бизнесмен Роман Абрамович ва Москвадаги «Гараж» замонавий санъат музейи асосчиси Дарья Жукова 10 йиллик турмушдан сўнг ажрашишга қарор қилди, деб ёзди «Meduza».
Жуфтлик бу ҳақда «РБК» таҳририятига йўллаган қўшма баёноти билан расман маълум қилди. Гарчи никоҳ бекор қилинаётган бўлса-да, Абрамович ва Жукова кейинчалик ҳам дўст бўлиб қолишларини маълум қилишган. Улар фарзандларини тарбия қилишда, бирга бошлаган лойиҳаларини ривожлантиришда ўзаро ҳамкорликни давом эттиради.
ОАВ маълумотига кўра, жуфтлик 2005 йил илк бор танишганди. 2007 йил Абрамович ўзининг 16 йил бирга турмуш қурган иккинчи хотини Ирина Маландина билан ажрашганди. Ажримдан сўнг беванинг ҳисоб-рақами 300 миллион долларга бойиганди. Бунгача улар 5 нафар фарзандни дунёга келтириб улгурганди.
Дарья Жукова эса «Гараж» замонавий санъат музейидан ташқари, кийим ишлаб чиқарувчи Kova & T компаниясининг асосчиларидан бири ҳисобланади.
Абрамович ва Жукованинг икки фарзанди бор. Аарон Александр 2009 йил дунёга келган бўлса, 2013 йил Дарья турмуш ўртоғига қиз фарзанд — Леяни совға қилганди.
Изоҳ (0)