O‘zbekistonning Islomobod shahridagi elchixonasi ma’lumotlariga ko‘ra Pokistonga ishlash maqsadida borgan va odam savdosining qurboniga aylangan fuqarolar Z.A. va Sh.X. 2017-yil 20-iyulda “O‘zbekiston havo yo‘llari” Milliy aviakompaniyasining Lahor—Toshkent reysi bilan vatanga qaytarildi. Bu haqda O‘zbekiston TIV axborot xizmati xabar berdi.
Odam savdosi qurboniga aylangan ikki ayol yaqinda voqea joyidan qochib, O‘zbekiston elchixonasiga murojaat qilishga muvaffaq bo‘lgan.
Pokiston Ichki ishlar vazirligi va Tergov bo‘yicha federal byurosi ko‘magida mazkur fuqarolarning kirish va chiqish qoidalarini buzganligi uchun jinoiy javobgarlikka tortilmasdan vatanga qaytishi bo‘yicha tezkor choralar ko‘rildi.
O‘zbekiston TIV Konsullik boshqarmasi fuqarolarni chet elga chiqishdan oldin xorijiy davlatning tegishli qonunchiligini e’tibor bilan o‘rganishga hamda qat’iyan qonun doirasida harakat qilgan holda ish qidirishga va ogoh bo‘lishga chaqiradi.
Izoh (0)