BMT bosh kotibi Antoniu Guterrish Saudiya Arabistoni, BAA, Bahrayn, Misr va Qatarni muzokaralarga kirishish hamda Fors ko‘rfazidagi diplomatik tanglikni bartaraf etish choralarini ko‘rishga chaqirdi. Bu haqda Qatar amiri shayx Tamim bin Hamad al-Taniyning muloqotni boshlash haqidagi taklifiga izoh bergan xalqaro tashkilot rasmiy vakilining o‘rinbosari Farxan Haq ma’lum qildi, deya xabar beradi “TASS”.
“Bosh kotib Qatar amirining muloqotga chaqiruvini ma’qullaydi. ‘To‘rtlik’ tashqi ishlar vazirlari tomonidan bildirilgan 6 tamoyil bilan birgalikda bu bayonotlar tomonlar kelishmovchiliklarni murosa yo‘li bilan bartaraf etishga tayyorligini ko‘rsatadi”, — dedi Farxan Haq.
BMT vakiliga ko‘ra, Guterrish Kuvaytning vositachilik urinishlarini yuqori baholaydi va “tomonlarning ijobiy munosabati”ni e’tiborga olgan holda, bu harakatlar davom ettirilishiga umid qiladi.
Izoh (0)