KXDR navbatdagi raketa sinoviga tayyorgarlik ko‘rmoqda, bu bir hafta ichida amalga oshirilishi mumkin. Bunday axborotni CNN telekompaniyasi tarqatdi, deb yozadi “TASS”.
Telekompaniya Pentagondagi anonim manbasiga tayanmoqda. Uning so‘zlariga ko‘ra, Amerika razvedkasi 21-iyul, juma kuni Pxenyan tomonidan Kuson shahriga raketa parvozi uchun zarur uskuna yetkazib berilganini qayd etgan. KXDR 14-may kuni aynan Kuson yaqinidagi start maydonidan ballistik raketa uchirgan edi.
CNN manbasi ta’kidlashicha, avvalgi hollarda razvedka qayd etgan texnika yetkazib berilishidan raketa sinovigacha ko‘pi bilan olti kun o‘tgan. Pentagon fikricha, Pxenyan raketani 27-iyul kuni Koreya urushi tugagan kunga bag‘ishlab o‘tkaziladigan milliy bayram kuni uchirishi mumkin.
Izoh (0)